مسلمانوں کو اپنی سیاسی وقعت ثابت کرنے کا یوپی اسمبلی انتخاب بہترین موقع: حاجی نظیر احمد

ملک کے مسلمانوں سے اپنی لیڈر شپ پیدا کرنے کی اپیل کرتے ہوئے مشہور سماجی کارکن اور اقرا انٹرنیشنل اسکول بنگلور کے چیرمین حاجی نظیر احمد نے کہا ہے کہ مسلمانوں کب تک ملک کی نام نہاد سیکولر پارٹیوں کا آلہ کاراور ووٹ بینک بنے رہیں گے۔آئندہ سال ہونے والے اترپردیش



اسمبلی انتخاب کو مسلمانوں میں لیڈر شپ پیدا کرنے کا بہترین موقع قرار دیتے ہوئے کہاکہ اترپردیش میں مسلمان اگر چاہیں تو اپنے دم پر کم و بیش سو سے زائد سیٹوں پر انتخاب جیت سکتے ہیں۔انہوں نے کہا کہ جب تک مسلمانوں کی سیاسی شراکت نہیں ہوگی اس وقت تک ان کو کوئی پوچھنے والا نہیں ہوگا۔